Семејна средба што трае еден ден – и остава траги за цел живот. По дванаесет години, Луис се враќа дома. Доаѓа со причина што не се кажува лесно, а можеби ни не може да се каже. Околу него – мајката, братот, сестрата и снаата – сите подготвени за разговор, но секој заробен во сопствениот начин на љубов, грижа и одбрана. Зборовите се судираат, молчењата стануваат погласни од викотници, а времето постојано лизга напред и не чека никого.

Во оваа прецизно напишана и динамична драмска партитура, секојдневните разговори се претвораат во сцени на блискост, недоразбирање и нежност. Се смееме таму каде што е непријатно, препознаваме ситуации што сите сме ги живееле и чувствуваме колку е тешко – и неопходно – да се биде искрен со оние што ни се најблиски.

„Ова е само крајот на светот“, според истоимената драма од авторот Жан-Лик Лагарс, е претстава за семејството како најинтензивен простор на љубов и судир, за моментите кога сакаме да кажеме сè, а изговараме премалку, и за оние средби што изгледаат обично – додека не сфатиме дека ништо повеќе нема да биде исто.

Превод и адаптација:
Теа Беговска

Режисер:
Теа Беговска

Сценограф и костимограф:
Надја Василева-Ковачовска

Музика:
Енес Беговски

Оператор на камера:
Велимир Стојановски

Видеооператор:
Матеј Трајковски

Технички координатор:
Михаил Узунов

Дизајн на плакатот:
Иван Ивановиќ

Фотограф:
Соња Ставрова-Кирковски

Инспициент:
Гоце Бојчев

Суфлер:
Жаклина Цветковска

ПОВЕЌЕ ЗА ПРЕТСТАВАТА »