Сашо Тасевски (10.8.1972, Скопје), актер. Дипломира актерска игра во 1995 година на Факултетот за драмски уметности во Скопје, во класата на проф. Љубиша Георгиевски, со претставата „Арсеник и стара тантела“. Вработен е во Драмскиот театар од февруари 1998 година. Во 2004 година магистрира театролошки науки на ФДУ, Скопје. Од јули 2017 до септември 2018 година ја извршува функцијата в.д. директор на Драмскиот театар. Во актуелниот репертоар настапува во претставите: „Фамилијата Адамс“, „Куршуми над Бродвеј“ и „Фрида“.